منده گولوم

دوداغین گول – قونچاسی دیر

آچ قونچانی منده گولوم

سن گولنده، کؤنول گولر

آچ قونچانی منده گولوم

 

 

آچیل – آچیل داغلار گولسون

بوستانداکی تاغلار گولسون

داغلار گؤره ن، آغلار گولسون

آچ قونچانی منده گولوم

 

من اولموشام سنه بسته

ناسازلاسان اوللام خسته

بسله یه رم سینه م اوسته

آچ قونچانی منده گولوم

 

سن گولنده ائللر گولر

مضراب دیه ر، تئللر گولر

گونلر گولر، ایللر گولر

آچ قونچانی منده گولوم

 

سن آغلاسان نئی آغلایار

قازان قاینار مئی آغلایار

جمشید کسمز، هئی آغلایار

آچ قونچانی منده گولوم

 

(شیبانی)

برچسب‌ها: بایاتیلار, آتالار سوزو