شاه عباس و بوستانچی
بير بوستانچي وارايدي. بو بوستانچي كولفتيني قارپز،يئميشيله ساخلاردي. هر ايل قارپيز،يئيميش،خيار اكيردي،تاخيلا وئريب دولانيردي.
بير ايل بوستانچي چوخ ياخشي بهره گتيردي.
بوستانچي آروادينا دئدي:
- بو ايل بوستانيميز چوخ ياخشي بهره گتيريب،قارپيزين لاپ ياخشيسيندان بير ائششك يوكو توتوب شيخ اوغلو شاه عاباسا آپاراجاغام.
بوستانچي قارپيزين لاپ ياخشيسيندان بیر خورجون ييغدي،ائششگين بئلينه آشيريب،توش ها توش - اصفهانا يولا دوشمكده اولسون،شاه عباسلا وزير آللهوئري خان دا درويش لباس اولوب يول ايله گئديرديلر.اونلار كيشينين قاباغينا چيخديلار.
شاه عباس اوندان سوروشدو:
- آ كيشي ، يوكون ندي؟؟؟
بوستانچي دئدي:
- آغا درويش،قارپيزدي.
پادشاه سوروشدو :
- هارا آپاريرسان؟؟
بوستانچي دئدي:
بونو شاه عباسا آپاريرام.
شاه عباس دئدي :
- رحمتليگين اوغلو،جاماعات شاه عباسا لعل،جواهر آپارير،سن ده قارپيز آپاريسان؟قارپيز شاهين نه يينه لازيمدي؟
بوستانچي دئدي :
- آغا درويش،اولارين گوجو لعل جواهيره چاتير،منيم ده گوجوم آنجاق قارپيزا چاتير.
شاه دئدي :
- ناحاق اذيت چكيرسن، آخي شاه اونو گوتورمز.
بوستانچي دئدي :
- آغا درويش،جانين ساغ اولسون،گوتورر گوتورر ، گوتورمز ائششگي يوكينن سوخارام اونون گوزلرينه ، چيخيب گلرم.
آللهوئردي وزير ايستهدي كيشيني وورسون،شاه اونون اليني توتدو.كيشيدن ايريلدلار.باشقا كسه يوللا گئري قاييتديلار.شاه عباس قيرميزي گئينيب تاختا چيخدي.امر ائلهدي، ائششگي يوكلو بير كيشي گله جك، اونو ائششگينن يانيما گتيررسوز. بلي،يوللاري كسديلر،كيشي گليب چيخاندا، اونو ائششگينن پادشاهين باگاهينا آپارديلار.
شاه عباس اوندان سوروشدو:
- آ كيشي،يوكون ندي؟؟
بوستانچي دئدي :
- قادان آليم،شاه ،قارپيزدي.بو ايل بوستانيم چوخ ياخشي بهره گتيريب.بير بويوك سنه هديه گتيرميشم.
شاه دئدي :
- آ كيشي دلي - زاد اولماميسان؟ سن مني كيم حساب ائله ييرسن؟خالق منه لعل، جواهر گتيرر، سن ده قارپيز گتيررسن؟؟
بوستانچي دئدي :
- شاه ساغ اولسون، اونلارين گوجو جواهره ، لعله چاتير منيم ده گومانيم، گوجوم يتيشميش، قارپيزا چاتير.
شاه دئدي :
- قارپيز منه لازيم دئيل، قايتار گئت ،يوخساسني بوغازوننان آسريرارام.
بوستانچي دئدي :
- شاه ، دا نيه آجيغون توتور. گوتورورسن،گوتور، گوتورميسن، يولدا دئديگيم اولسون.
شاه دئدي :
- ديء گوروم يولدا نه دئميسن ؟
بوستانچي دئدي :
- شاه هئچ ،آغزیمدان چیخدی
شاه عباس دئدي :
- كيشي،اگر يولدا نه دئميسن، دوزون دئسن، سنن ايشي يوخ،اما اگر دوزون دئمسن واي حالیان
بوستانچي او ساعات بیلدی که درويش بو اوزو ايميش،دئدي:
- شاه ساغ اولسون،يولدا بير نفر درويش مندن سن سوروشدوغون سوزلري سوروشدو.دئديه كي شاه قارپيزلاري گوتورمز،منده دئديم كي گوتورر گوتورر ، گوتورمز ائششكي يوكينن سوخارام گوزينه ، قاييدارام .
پادشاه خزينه داره چاغيردي اونا دئدي :
- آپار بو كيشينن قارپيزلارين بوشات يرينه قيزيل دولدور وئر اپارسين.
خزينهدار بوستانچيني خزينيه اپاردي،قارپيزلاري بوشالديپ يئرينه قيزيل دولدورده ورده بوستانچي آپاردي.
وزير الله وئرديه خوش گلمدي ، دئدي :
- شاه سنين بو حركتين هئچ خوشوما گلمه دي.او ورديغي شي لرين ارزيشي يوخ اوندان سن خورجونون دولدوردون قيزيلينان؟
شاه دئدي :
وزير، او كيشينن گوجو قارپيزيده ، اوندان ده منه نوباريخ گتيرير.من اوندان جواهر ايسته مغيم اغير سوز اشيتمغيم يئرينده دي .
وزير دئدي :
- من گئديب اوندان قيزيللاري الاجاغام.
پادشاه دئدي :
الله وئردي وزير،او سن اغيلدا ادام ديير ، او اغيللي ادام دي. آلانماسان.
وزير دئدي : من آللام.
اللهوئردي وزير آتيني ميندي، يوللا گئديب بوستانچينين قاباغيني كسدي دئدي:
- كيشي سنه نچه سواليم واريدي جواب ورمه سن قيزيللاري سنن الاجاغام.
بوستانچي دئدي: وزير بويور ديء .
وزير دئدي : گويده نئچه اولدوز وار ؟
بوستانچي دئدي: ائششگيمين توكونون ساييسي قدر.
وزير دئدي:دوز دئميرسن/ بوستانچي دئدي:
- ائششگين توكونده ساي،گو دكي اولدوز لاري دا ، اوندا اگر دوز دئمسم بوينمي وور.
وزير گوردي اولان ائيش ديير قبول ايلدي.دئدي : بو دوزيده .بونو ده گورخ،آلله هارادي؟؟؟
بوستانچي دئدي :
- اوكي چوخ آساندي،اششگين اوستونده آدين گتيرمخ جاييز ديير آتیندان یئره دوش مينيم آت اوسته دييم سوالون جوابين.
وزير اتدان دوشده ، بوستانچي مينده.اوندادي كي بوستانچي خورجونو گوتوروپ آتي بيزليب وزيره دئدي:وزير الله وئردي خان ، الله باخ او داغين داليندادي.
وزير قيشقيردي، باغيرده، كيشي دايانمادي.آتی مینیب گؤزدن یوخ اولدو.
وزير كي قالميشدی ائششگين يانيندا،شاه اونا ساري ادام يوللادي اونا دئديلر كي شاه دئيب اوتانما گلگينن .
{ من قيزيل ورميشدم آت ورمميشديم ساغول اونودا سن وردون }
برچسبها: شاه عباس, ترکی مثللر, مثلهای ترکی
