|
˙·٠•● تــــرکـی آذربایجانی ●•٠·˙ |
||
|
محل درج آگهی و تبلیغات نوشته شده در تاريخ دوشنبه ۲۸ مرداد ۱۳۹۲
توسط سعید
 بیر سیچان چولده بیر دوه یه راست گلدی، دیشی ایله دوه نین افسارین چکمگه باشلادی. دوه دینمز – سویله مه ز سیچانین دالیجا گئدیردی. سیچان گئدیب بیر دئشیگه گیردی و دوه نی ده اورا چکمگه چالیشدی. سیچانین بو ایشینی گؤرن دوه دئدی: یا قوناقیوا گؤره اطاق تدارک ائت یا اطاقیوا گؤره قوناق چاغیر.
برچسبها: آتالار سوزو نوشته شده در تاريخ جمعه ۱۱ مرداد ۱۳۹۲
توسط سعید
 عزرائیل و مریض منی مامور ایلیوب خالق سبحان حاج آقا قبض روح ایتماقا گلدیم حاج آقا ویردی مستنطق رحلت منه فرمان حاج آقا وقت قورتاردی نفس چکماقا قادر دگوسن آلورام جانوی سن چکماغا قادر دگوسن مریض: آی علی آی ولی آی وای دورون اوغلان ایاغا کیمدی بو بی ادبانه بله گیردی اطاقا بو صفتده بشر اولماز باشی بنزر بالاغا نه سلام ایتدی نه تعظیم عجب هیوره دی چاتدادی باغریم اماندی بو نه بد منظره دی عزرائیل: کیشی قیشر ما علی یا ولی گورمزله منی منه مردم ملک الموت دیللر علنی گلمیشم من آپارام محضر معبوده سنی داخی بوندان بویانا بیر کسه آمر دگوسن وقت قورتاردی نفس چکماقا قادر دگوسن مریض: منی عفو ایله داداش بیلمدیم عزرائیلسن شکر الله سن اوزون بیر ملک کامل سن خدمتون فرضیدی پیک ملک عادل سن اوتی بیر چای گتوسونلر هله تعجیل ائلمه صبر هر ایشده گؤزلدور بیله تعجیل ائلمه عزرائیل: کیشی اوخشاتما منی قونشووز عبدالکریمه من بو دنیا سولارین ایچمرم افسانه دیمه من طلبکار دگولم چوخ دله توتما سریمه چوخ قالورسان هله بو دیللره ماهر دگولسن وقت قورتاردی نفس چکماقا قادر دگوسن مریض: سنه بنزر بیری گلمشدی بیر آز بوندان ازل چوخ خوش اخلاق صداقتلی نظافتلی گوزل کیمیمیش او سنه قربان اولوم ای پیک اجل نه دیوم عینا اونون باشی سنون باشیویدی بولمورم اوغلویدی یا بالا قارداشیودی عزرائیل: عمو دکتردی او اوغلوم دگی یولداشدی منه قبض روح ایتماغا یولداش ندی قارداشدی منه خیلی ماهردی بو ایشده آتادان باشدی منه گوردوم اما سن اونا قوشمالی خاسر دگوسن وقت قورتاردی نفس چکماقا قادر دگوسن مریض: دوزدی مامور ایلیوبدور سنی خلاق حکیم بلکه سن سهو ایلیوبسن اودیه ن من دگولم هله مندن قوجالار وار نه روادور من اولم گرچه زحمتی قئیت بیر سؤروش اوندان سورا گل ادیمی شغلیمی گیت بیر سؤروش اوندان سورا گل عزرائیل: کیشی آغریتدی منیم باشیمی بو طول کلام اللی مین جان آلان سهو ایلمز اولما عوام عمووی عمه وی اجدادیوی بیر بیر تانیرام سن مگر مصطفی خان اوغلی مظاهر دگیسن؟ وقت قورتاردی نفس چکماقا قادر دگوسن مریض: من دیدیم اوغلومی داماد ایدرم اتمه میشم مشهده کرب و بلایه گیدرم گئتمه میشم تومنی بیر قرانا وئرماقی ترکید مه میشم هله آغزیممنیم ایستور تازاجا آشه یته دگول انصاف بو تیزلیقدا باشیم داشه یته هله اگلش من اولوم هر نه سؤرسن گتیسین منقل حاضردی اگر نعشه چکرسن گتسین آبجو پپسی کولا کنیاک ایچرسن گتیسین مندن اوچ یوز تومن آل ویرمنه مهلت ایکی ایل باشا باش ایلیوم آسوده عبادت ایکی ایل عزرائیل: کیشی سارساخلاما نعشه ندی تریاک ندی آبجو نمنه دی ایشک کیشی کنیاک ندی قانمیوبسان هله مردار ندور پاک ندی قانماسان چون ائله بیر فاسق فاجر دگیسن وقت قورتاردی نفس چکماقا قادر دگیسن من او مامور اداره دگولم رشوه ییم بش تومن پولدان اوتور بیر کسی بدبخت ائلیم بله آسوده اوزانما عمو من گئتمه لیم ناقصون واردی مگر گتماغا حاضر دگیسن؟ وقت قورتاردی نفس چکماقا قادر دگیسن مریض: ناقصیم چوخدی عزیزیم اولا مشگلدی تمام سن گئدوب بنده دن عرض ایله خداونده سلام اوزی انصاف ایلسون وار ایکی اوچ خردا بالام هاه من تازه جوانم ایله گون گؤرمه میشم دنیادان دویمامیشام بیر ائله کئف سورمه میشم عزرائیل: باخما سقل سبیلی وئرمیسن اولگوج دمینه سنی گویا که جوان گؤرسون عیالون امنه اللها قویماق اولار بیر بئله دوقوزعمو؟ نه؟ یتشوب یتمیشه سننؤن گنه شاکر دگیسن وقت قورتاردی نفس چکماقا قادر دگیسن مریض: دور گئت الچک یاخامزدان سنی تاری ناسازام نئچه گوندور یاتیرام باغلی قالوبدور مغازام خودکارون واردی گؤروم اللها بیر نامه یازام گیتمیرم من بابا غلمانله حور ایستمورم قوی بو دنیاده قالوم یوخدی که زور ایستمورم عزرائیل: کیمدی ایشک کیشی غلمان وئره یا حور سنه حوری معروفه دگول که باش اگه هر گلنه سوخاجاق مالک دوزخ گ . . . . اودلی شنه غرق سن معصیته طیب و طاهر دگیسن وقت قورتاردی نفس چکماقا قادر دگیسن مریض: دیمه لی مالک دوزخ ده تیکوب گوز یولوما گور بو الله نئجه مامور دوزوب ساق سولوما بیر نفر اینجده بولمز منی منت پولوما پولونان ملک نیرانیده آرام ایدرم گیدرم جنته حوریلریده رام ایدرم عزرائیل: داخی بوندان سورا مالک دگیسن اوز پولوا گورموسن اهل عیالون دوزولوب ساغ سولووا ییه جاقلار ایچه جاقلار . . . . یالوا بو ائوین دخلنه یا خرجنه ناظر دگیسن وقت قورتاردی نفس چکماقا قادر دگیسن گوردی عزرائیل عمو چوخ باخوری بور بوجاغا گوئیا فکری بودور که ال آپارسین ناجاغا خده گیندن یاپیشوب باسدی دیدی یات حاج آقا ال کیشی سن دلیلن گتملی کافر دگیسن وقت قورتاردی نفس چکماقا قادر دگیسن ایش اورا یتدی ائو اهلی هاموسی آغلادیلار حاجینین دسماینان گوزلرینی باغلادیلار بعضی قاچدی کفنه بعضیسی سو داغلادیلار دست قدرت حاجینون تختینی تابوت ایلدی ناز پرور بدنین جانوره قوت ایلدی دعوا باشلاندی مال اوسته حاجینون وای حالنا باجی قارداشه دیورپ . . . ده ده وین سقالنا کوره کن گه یالنا س . . . گهی یوپالنا نئچه گوندن سورا آرواد دا گیدوب اوزگه اره بیر نفر گلدی تصاحب ایلدی سیم و زره ای کریمی نه گوزل دوزلی حکایت یازیسان ایتموسن شام و سحر یازماقا عادت یازیسان ظاهرا مسخره باطنده نصیحت یازیسان سوزیوین قیمتی وار گیچملی شاعر دگیسن وار الون شعریده اما هله ذاکر دگیسن «کریمی» برچسبها: شعر کریمی, تؤرکی شعر |
|
|
 |
||