امام حسین (ع)
عاشورا گونونده آخر ائیله دی قیام حسین آزاده لیک درسین وئردی امته امام حسین
کئچدی اصغر، اکبریندن ظالمه باش اگمه دی دیریلمزدی اولماسایدی تازاشدان اسلام حسین
وار– یوخوندان کئچدی اما ایسته مه دی ذلتی آخر جان لا سودا ائتدی شرفی - حیثیتی
یئتمیش ایکی شهید قانی اویادیبدیر امتی قیامته کیمین یولون تاپاجاق دوام حسین
کسیلدی حسینین باشی ملک لر قان آغلادی یئرلر گؤیلر توتدو عزا کل جهان آغلادی
خانیم زینبین اوره گی اولدو شان – شان آغلادی عشقین معناسین بشره ائیله دی تمام حسین
حسینین مرامی بودور یاشایاق آزاده بیز شرف – عزت، غیرت له دولاناق دونیاده بیز
مظلوم سسی هاردا اولسا یئتیشه ک فریاده بیز ای جوانمرد، شهریاردی بیزه والسلام حسین
جوانمرد
