میغ میغا
آشوب سالیب جهانه میغ میغ خلقی گتیریب امانه میغ میغ
بولمز کی بو شاه یا رعیت سانجار گئدر آسمانه میغ میغ
قاری لرینن رجوعی یوخدور مشتاقدی چوخ جوانه میغ میغ
سازیله کمانچــه سی الینده سانجار گئدر آسمانه میغ میغ
ازبسکی اولوبدی خلقه محروم گه – گه تپیلر تومانه میغ میغ
اوز وئردین اگر اونا ائوینده سنله گله جاق دو کانه میغ میغ
بیر فرمان آلیب قاییمقامدان هر یئری سؤوردولانه میغ میغ
هر باغه کی گئدسه دینمسونلر فکر ائیلمیون اوتانه میغ میغ
گاهی اوزانور بادام دیبینده گه دیرماشی گیردکانه میغ میغ
گه لاله نی، شام قازانی اوینار گه اود ووروری مایانه میغ میغ
کور میلچک اینن شریک اولاندا باخ گؤرنه دؤنوب ایلانه میغ میغ
یایدا چکیلر سهنده ساری قیشدا قاییدور مغانه میغ میغ
باخمور کی بو چؤلدی یا بوروندی بیر نیشه ائدر نشانه میغ میغ
بیر عاجز بینوا غریبی گر گؤرسه ائدر دیوانه میغ میغ
ایندی دادانیبدی، گون چیخاندا ال گزدیری کاروانه میغ میغ
قورتولموری بیر نفر الیندن سانجیر گتیریر امانه میغ میغ
«قمری»
برچسبها: شعر ترکی
